月兒的部落格

我好愛好愛食爆谷...因為

爆谷俾我歡樂感覺...

開心食爆谷...唔開心食爆谷...

隨住時代進步...爆谷口味層出不窮...

不過...我始終鍾情焦糖味爆谷...

焦糖味爆谷...我覺得最好食係葵芳百老匯...

可惜...真係好耐冇食過...

自製爆谷唔難...係我一直未有的起心肝...

一直諗住葵芳百老匯好食...

到我真係要整...原來發覺唔係好多地方有爆谷粒粒買...

葵芳一田我揾過唔見...荃灣一田就有得買...

材料: 爆谷粒粒 50g, 牛油 40g, 砂糖 80g

份量其實唔一定跟足...好隨意...

爆谷粒粒50g爆出黎已經好多...我會建議一下子唔好太貪心爆太多...唔係怕你食唔哂...

單純係考慮個煲夠唔夠位爆...

想甜D加多D砂糖就得...

牛油20g 放入易潔平底煲融...用細火...

牛油融左就倒入爆谷粒粒...不時要搖動下...待粒粒可以沾滿牛油炸一炸咁...

爆出第一粒爆谷就即時蓋上煲蓋...轉用中火就可以等睇表演...

如果係用透明煲蓋...就會見到煲入面爆谷不停咁爆...

一輪澎湃既聲音...卜卜卜卜卜...卜卜卜卜卜...每一輪就搖一搖個煲...

等其他未爆開既粒粒爆開...

以我兩次失敗經驗所得...一開始就用中火...粒粒會有20%唔會爆開...

用細火再轉中火就會全部爆出爆谷...

砂糖放入用來爆爆谷既煲...

用中火熱溶砂糖...

待砂糖開始溶哂...再加入牛油20g...

見到糖漿開始微黃就可以熄火...熱力係足夠令糖漿變成金黃色...

如果等到焦糖色...咁就會失敗...餘下熱力會令焦糖變苦...

爆谷倒入糖漿...快速拌勻...盡量讓每粒爆谷沾上焦糖漿...

跟住爆谷攤開攤凍一陣就可以食啦...

FACEBOOK 專頁 : https://www.facebook.com/mrmoon.renelee

INSTAGRAM ~ MRMOONMOON