話說...講到第一次去醫院照聲波既時候...

同日抽血驗到血糖高...

要回去飲傳聞中的糖水...再抽血驗...

驗血前一晚十二點開始要禁食...只可飲少量清水...

一去到就空肚先抽一次血...

跟住姑娘就着我拎一杯糖水...無限幾耐要飲哂...

飲完就要同姑娘講一聲記低時間...

在兩小時後再抽一次血...期間要繼續空肚...

如果中途嘔左就要再約過時間從頭再做一次...

而且不能抽血時間不能超過兩小時後的半小時...

過左就唔會驗了...

個杯糖水份量好似16OZ汽水咁...

甜度的確有少少令人卻步...

飲既時候真係唔好諗難飲...真係會越諗越想嘔...

幸好醫院度有電視睇下...可以分散一下注意力...

我用左十五分鐘時間 KO 杯糖水...

唔知係唔係空住肚...飲完一大杯糖水...有點想嘔...

只有唔好諗同唔好諗...不斷咁深呼吸呌個大氣...

幸好同日我要去產檢...攪下一樣攪下兩樣...

最後...可以安然渡過兩小時...

不過...到抽血個時出現左小問題...

抽血初時我已經要求姑娘抽右手...右手會容易揾到血管...

左手揾唔到血管...捐血個時捐左手係要轉右手...

姑娘唔願郁係要試下抽左手...

好啦好啦...拮左入去揾唔到血管就係咁挑...好似挑刺咁...

挑左五分鐘一樣冇血出...揾左另一個幫手...

一樣挑唔掂...仲話有少少痛叫我忍一忍...

下...唔係少少痛喎...係好痛喎...

不如真係轉番右手啦...

結果...挑左五分鐘過...一樣唔出血...

兩個人合共前後係挑左我左手十分鐘...

最終咪又係抽右手...激死...

驗血有冇問題就要等兩星期...有事就電話通知...所以...

最好唔好收到電話啦...

十月二十四日去飲糖水...理論上要驚到十一月七日...

兩個星期未有收到電話...

不過...真係驚餐死...

尤其宜家咁多銷售電話...一響...我個心就嚇一嚇...

幸好...最後...順利過渡...


十一月九日產檢見醫生...醫生話因為我高齡...

所以...二十八週左右要飲多一次糖水...驗多次血糖...

O MY GOD...

希望到時一樣可以安然過渡啦...

 

妊娠糖尿是懷孕期間出現的糖尿病...一般在懷孕約五...六個月時發生...主要係孕婦懷孕期間體重上升...對胰島素需求增加...但胰臟未能提供足夠的胰島素分泌...同時...懷孕期間身體會分泌一些抗衡胰島素的荷爾蒙...令胰島素的功能降低...在這情況下...身體無法把食物所供應的醣份轉作能量...過多的糖份便會累積於血液而導致血糖上升...造成妊娠糖尿...


容易患上妊娠糖尿的高危人士:

體型肥胖...

年齡超過三十五歲...

有糖尿病家族史...

曾患妊娠糖尿

層生產超過四公斤的嬰孩...

曾經早產及產死胎...


妊娠糖尿對孕婦和胎兒同樣存在風險...

對孕婦的影響:

羊水過多症...

早產...

難產...

肩難產...

妊娠毒血症...

產後患二型糖尿病的風險較高...

對胎兒的影響:

增加流產機會...

早產...

新生兒死亡...

巨嬰...

新生兒黃疸症...

新生兒低血糖症...

新生兒急性呼吸窘迫症候群...

 




FACEBOOK 專頁 : https://www.facebook.com/mrmoon.renelee

 

聯絡我 ~ bbg1668@yahoo.com.hk


月兒部落分社 :


BEAUTY LIFE


BECB


THEXXXXX


BLOGSPOT


SHE


UBEAUTY


QOOZA


QOOZA BEAUTY


SINA


ELLE


COSMO


MYAGE


WESHARE


FANPIECE


SEEWIDE


MYBB


PIXNET

 

STYLE

 

INSTAGRAM ~ MRMOONMOON

 

純粹個人意見...請大家多多指教呢...

 

免責聲明 ~ 

本文發表的每一字一語內容全屬個人意見同感受...

不代表品牌的言論同立場...

如需獲得更多資訊同協助...煩請直接聯絡品牌查詢或尋求相關專業意見...

如從而引起的任何損失或法律糾紛...本人概不負責...

arrow
arrow
    全站熱搜

    月兒 發表在 痞客邦 留言(0) 人氣()